கண்ணாடி தனது பிம்பத்தை தவிர
மற்ற பிம்பங்களையே காட்டும் . . .
அது தனது பிம்பத்தைக் காட்டுவதற்கு
இன்னொரு கண்ணாடி தேவைப்படுகிறது . . .
ஆனால் பெண் எப்போதும் தன்னை
காட்டுவதிலேயே அதிகம் கவனம்
எடுத்துக் கொள்கிறார்கள் . . .
பெண்
கண்ணாடியின் எதிர் வினையோ ?
கவனமாக கையாள வேண்டியது
கண்ணாடி மட்டுமல்ல
பெண்ணும் தான் . . .
கல்லைக் கூட மெதுவாக வைக்கலாம்
கண்ணாடியின் மீது - ஆனால்
வேகம் விவேகத்திற்கு அழகல்ல,
விளக்கம் விபரீதத்திற்கு அழகல்ல . . .
இரு புறமும் தெரிகின்ற
கண்ணாடியை இருந்த நான்
காதலெனும் ரசம் பூசிக் கொண்டதால்
என்னை நானே பார்த்து கொள்கிறேன் . . .
அதில் இத்தனை நாளில் இல்லாததொரு
இனிமையைக் காண்கிறேன் . . .
இளமைத் தடம் மாறுவதும்
இனிமை தடுமாறுவதும்
இங்கு தானோ ?
நடந்து வந்த பாதச் சுவடுகளை
நான் இரவிலே தேடிக் கொண்டிருக்கிறேன்
தொலைத்த சோம்பலைச்
சுறுசுறுப்புடன் தேடும் எறும்புகளை போல. . .
No comments:
Post a Comment